Metodekapittel - avsluttande arbeid IKT3A

Fire - 4 - timar til innlevering av det avsluttande arbeidet i modul 3A. Oppgåva er å skrive framlegg til metodekapittel. Ein stor frustrasjon i denne perioden, har vore at eg ikkje har bestemt meg for kva problemområde eg skal skrive om i IKT3D. Eg jobbar stendig med den saka, men klarer ikkje å bestemme meg for kva eg skal satse på. Det er ikkje mangel på idear, heller mangel på å klare å ta ei avgjerdsle... Dermed måtte eg velje eit mellombels problemområde (eit område som eg har hengande på veggen her - saman men MANGE andre...), og skrive metodekapittel til denne tenkte oppgåva.

Litt av motivasjonen vert dermed vekk - eg veit at det er store moglegheiter for at metodekapittelet må skrivast heilt på nytt når eg skal ta til på sjølve masteroppgåva. Men øving gjer meister, heiter det, så det får vere trøysta denne gongen :-)

Eg har fått min eigen blogg!

Inspirert av andre master-studentar, har eg no etablert min eigen blogg i høve studiet MASTER IKT I LÆRING.

I arbeidet mitt, har eg sett behovet for å ha ein stad der ein kan samle tankar, lenker og ting ein kjem over. Det vert mykje surfting på nettet når ein sit å jobbar på denne måten - heilt åleine, og langt frå HSH og Stord. Det følest i alle fall slik inn i mellom :-)

Utsikta frå arbeidsrommet har eg fått heilt inn på netthinna, det forsvinn heller ikkje når eg let at augene for å sove...

No er det metodekapittelet som gjeld. Innlevering skjer på søndag, så no er det einsretta fokus resten av helga. Har brukt litt tid på dette, men vonar at eg får glede og nytte av det seinare.